З 23 па 25 кастрычніка 2019 года ў Акадэміі паслядыпломнай адукацыі прайшоў III Міжнародны фестываль прафесійнага майстэрства педагогаў «Пазнанне ў сатворчасці». Актыўны ўдзел у фестывалі прынялі педагагічныя работнікі з розных рэгіёнаў Беларусі.
Падчас фестывалю канкурсанты і госці пазнаёміліся з праектамі прафесійнага самавызначэння навучэнцаў у рамках адукацыйнага падарожжа з дапамогай іх абароны і стэндавых дакладаў; сталі ўдзельнікамі міні-даследаванняў у рамках тэхналогіі адукацыйнага падарожжа і майстар-класаў па выкарыстанні тэхналогій адкрытай адукацыі.
У рамках фестывалю прайшоў заключны этап конкурсу праектаў прафесійнага самавызначэння навучэнцаў, на якім было прадстаўлена 90 праектаў.
Удзельнікі фестывалю наведалі музей «Вучэбная кніга ў гісторыі адукацыі». У аўдыторыі музея была праведзена адна з секцый фестывалю, на якой удзельнікі абаранялі свае праекты. Пасля абароны праектаў для гасцей была праведзена аглядная экскурсія.
Падчас экскурсіі яны пазнаёміліся з гісторыяй беларускага вучэбнага кнігавыдання, а таксама з гісторыяй адукацыі Беларусі. Яны вельмі зацікавіліся вучэбнымі кнігамі, якія выкарыстоўваліся ў адукацыйным працэсе ва ўстановах адукацыі Беларусі ў розныя гістарычныя эпохі.
Наведвальнікі адзначылі, што падчас экскурсіі дакрануліся да гісторыі Беларусі праз вучэбныя кнігі мінулых стагоддзяў. Музей «Вучэбная кніга ў гісторыі адукацыі» выклікаў ў іх вельмі станоўчыя ўражанні, якія яны зафіксавалі ў кнізе водгукаў. А электронныя сродкі навучання дапамаглі больш дэталёва азнаёміцца з кожнай вучэбнай кнігай экспазіцыі.