19 лістапада 2019 года ў Акадэміі паслядыпломнай адукацыі адбылася рэспубліканская канферэнцыя «ЭФЕКТЫЎНЫ ПЕДАГАГІЧНЫ ВОПЫТ: АД ТЭОРЫІ ДА ПРАКТЫКІ».
Канферэнцыя была арганізавана дзяржаўнай установай адукацыі «Акадэмія паслядыпломнай адукацыі», грамадскім аб’яднаннем «Беларускае педагагічнае таварыства» у адпаведнасці з Рэспубліканскім каардынацыйным планам мерапрыемстваў дадатковай адукацыі педагагічных работнікаў на 2019 год з мэтай абмеркавання асноўных напрамкаў дзейнасці па выяўленню, абагульненню, прадстаўленні і распаўсюджванню эфектыўнага педагагічнага вопыту.
У канферэнцыі прынялі ўдзел каля 300 педагагічных работнікаў устаноў адукацыі Беларусі ўсіх узроўняў, у тым ліку 53 настаўнікі кваліфікацыйнай катэгорыі «настаўнік-метадыст».
Удзельнікі канферэнцыі на пленарным пасяджэнні і секцыях заслухалі, абмеркавалі даклады, выступы па эфектыўнаму выкарыстанню сучасных тэхналогій, методык арганізацыі адукацыйнага працэсу.