4 снежня 2019 года на базе Акадэміі паслядыпломнай адукацыі адбыўся семінар: «Функциональная грамотность белорусских учащихся в свете исследования PISA-2018: результаты и перспективы», на якім былі прааналізаваны вынікі даследавання і пастаўлены задачы перад сістэмай адукацыі на найбліжэйшую будучыню.
У рабоце семінара прынялі ўдзел Міністр адукацыі Рэспублікі Беларусь Ігар Васільевіч Карпенка, намеснік міністра адукацыі Аляксандр Уладзіміравіч Кадлубай, спецыяліст-аналітык Дэпартамента па пытаннях адукацыі Арганізацыі эканамічнага супрацоўніцтва і развіцця (АЭСР), доктар філасофіі Альфонса Эчезарра, дырэктар Рэспубліканскага інстытута кантролю ведаў, нацыянальны менеджэр праекта PISA у Рэспубліцы Беларусь, кандыдат фізіка-матэматычных навук, дацэнт Юрый Іванович Міксюк, а таксама кіраўнікі ўпраўленняў адукацыі сталіцы і абласцей.
Удзельнікі семінара наведалі музей “Вучэбная кніга ў гісторыі адукацыі”. Для іх была арганізавана аглядная экскурсія, якую правёў рэктар акадэміі Андрэй Пятровіч Манастырны. Падчас экскурсіі ён распавёў пра гісторыю беларускага вучэбнага кнігавыдання, акцэнтуючы ўвагу на адметныя вучэбныя кнігі, якія выкарыстоўваліся ў адукацыйным працэсе ва ўстановах адукацыі Беларусі ў розныя гістарычныя эпохі. Вучэбныя кнігі былі прадэманстраваны і праз электронныя сродкі навучання, з дапамогай якіх можна больш дэталёва азнаёміцца з кожным падручнікам экспазіцыі.