Пошук

Generic selectors
Толькі дакладныя супадзенні
Шукаць у назве
Пошук у змесце
Шукаць у паведамленнях
Шукаць на старонках

Дэлегацыя пасольства Кітайскай Народнай Рэспублікі пазнаёмілася з гісторыяй беларускай вучэбнай кнігі

23 снежня 2019 года адбылася сустрэча рэктара ДУА “Акадэмія паслядыпломнай адукацыі» Андрэя Пятровіча Манастырнага з першым сакратаром пасольства Кітайскай Народнай Рэспублікі ў Рэспубліцы Беларусь па справах адукацыі Лі Вэньхуа.

Пасля азнаямлення кітайскага боку з адукацыйным патэнцыялам акадэміі былі абмеркаваны пытанні арганізацыі ўзаемадзеяння па: наладжванню кантактаў з установамі дадатковай адукацыі дарослых у КНР; навучанню грамадзян КНР у аспірантуры акадэміі; павышэнню кваліфікацыі ў акадэміі кітайскіх выкладчыкаў рускай мовы як замежнай; ўдзелу кітайскіх грамадзян у летняй моўнай школе акадэміі. Лі Вэньхуа выказала гатоўнасць да аказання магчымага садзейнічання па пазначаных напрамках.

                                                                     У рамках сустрэчы кітайская госця наведала музей “Вучэбная кніга ў гісторыі адукацыі”. Андрэй Пятровіч распавёў пра гісторыю беларускага вучэбнага кнігавыдання, акцэнтуючы ўвагу на адметныя вучэбныя кнігі, якія выкарыстоўваліся ў адукацыйным працэсе ва ўстановах адукацыі Беларусі ў розныя гістарычныя эпохі.