5 лютага 2020 года ў Мінскім дзяржаўным лінгвістычным універсітэце адбылося паседжанне выніковай калегіі Міністэрства адукацыі Рэспублікі Беларусь. У рабоце калегіі прынялі ўдзел намеснік Прэм’ер-міністра Рэспублікі Беларусь І.В. Петрышэнка, першы намеснік кіраўніка Адміністрацыі Прэзідэнта Рэспублікі Беларусь М.У. Рыжанкоў, старшыня Пастаяннай камісіі Савета Рэспублікі Нацыянальнага сходу Рэспублікі Беларусь па адукацыі, навуцы, культуры і сацыяльнаму развіццю В.А. Лісковіч, старшыня Пастаяннай камісіі Палаты прадстаўнікоў Нацыянальнага сходу Рэспублікі Беларусь па адукацыі, культуры і навуцы І.А. Марзалюк, прадстаўнікі рэспубліканскіх органаў дзяржкіравання, кіраўнікі ўстаноў адукацыі ўсіх узроўняў. Падчас калегіі была арганізавана выстава, прысвечаная дасягненням айчыннай сістэмы адукацыі.
Ганаровай граматай Міністэрства адукацыі за захаванне педагагічнай спадчыны Беларусі і стварэнне музея гісторыі беларускай вучэбнай кнігі быў узнагароджаны рэктар акадэміі Андрэй Пятровіч Манастырны.