КАНЕЦ XII – ПАЧАТАК XIII СТСТ.

Полацкае Евангелле – адзін з найбольш старажытных помнікаў кніжнай культуры Беларусі. Яго стварэнне прыпісваецца Еўфрасінні Полацкай. Складаецца са 172 лістоў пергамента.

Тэкст арганізаваны каляндарна, напісаны на царкоўнаславянскай мове. У ім прысутнічаюць элементы беларускага моўнага каларыту.

1044–1066 гг.

Полацкі Сафійскі сабор – адзін з самых ранніх храмаў у Старажытнай Русі, першы каменны храм на тэрыторыі Беларусі. Упершыню згадваецца ў «Жыціі прападобнай Ефрасінні Полацкай» і «Слове пра паход Ігараў». Праваслаўны і культурна-асветніцкі цэнтр, дзе знаходзілася багатая бібліятэка.